en keyboard_arrow_down
keyboard_arrow_left See all news

Recent News

18 Nov, 2021 /
Icefish
Looking into aquaculture’s crystal ball
It’s a big ask to request a prediction of the future, but in the Blue Economy discussi...
17 Nov, 2021 /
Icefish
Capelin boom
Capelin is booming in Iceland, but marketing and climate change remain challenges.
17 Nov, 2021 /
Icefish
No such thing as fish waste – everything has a use
Part of IceFish Connect, the Fish Waste for Profit Product Utilisation session brought t...
17 Nov, 2021 /
Grimsby Fish Market
Grimsby Fish Market Launches Buying App
Grimsby Fish Market is embracing digital technologies with the introduction of a new Buy...
16 Nov, 2021 /
Icefish
Tub manufacturer faces challenges and opportunities
Sæplast has been producing a range of tubs, boxes and other products in Dalvík and was...
19 May, 2020
keyboard_arrow_left See all news

Straumhvörf í samvali og pökkun

Hátæknifyrirtækið Valka og sjávarafurðaframleiðandinn FISK Seafood hafa undirritað samkomulag um nýtt kerfi fyrir samval og sjálfvirka pökkun á frystum flökum.

„Ég er þess fullviss að við náum fram kostnaðinum fljótt til baka. Mesti ávinningurinn er fólginn í nákvæmni við samval. Mikil sjálfvirkni gefur einnig möguleika á beinum hagnaði hvað varðar vinnuaflskostnað,” sagði Ásmundur Baldvinsson, framkvæmdastjóri landvinnslu hjá FISK Seafood.

Yfirvigtin er lykilaðtriði í pökkun þegar varan er seld í fastri þyngd. Valka hefur farið nýja leið með samvals- og pökkunarróbot sínum sem getur greint þyngd bitanna fyrirfram og beitir síðan algrími úr leikjafræði. þetta er mikilvægt forskot á eldri aðferðir sem gengu út á tölfræðilegar ágiskanir.

þar með er hægt að ná því fram að yfirvigtin verður nánast engin því kerfið hámarkar stöðugt samvalið og byggir þar á raunverulegri þyngd bitanna.

þar sem hefðbundnir þrýstiloftsstýrðir armar myndu valda skemmdum á yfirborði og mögulega slíta sundur þunna bita eins og sporðstykki, þá er pökkunarróbot Völku hannaður með nýstárlegu færibandi. Innbyggð hólf taka við vörunni og flytja hana áfram.  Línulegur róbót rennir skammtinum síðan mjúklega yfir í pökkun. Með þessu er mjúkleg meðhöndlun komin á nýtt stig.

„þetta er mjög mikilvægur samningur fyrir okkur,“ segir Ágúst Sigurðsson, markaðsstjóri Völku. „í fyrsta lagi er mjög ánægjulegt að fá FISK Seafood - þetta öfluga fyrirtæki  - sem viðskiptavin. þeir eru fyrstir til að fá þessa lausn fyrir frystar afurðir og við erum afar þakklátir fyrir það traust sem okkur er sýnt og erum mjög spenntir fyrir samstarfinu framundan."

Hann sagði mesta ávinninginn vera þann að árangurinn í samvali sé ótvírætt miklu betri en hefðbundnir samvalsflokkarar skila. Fyrirtækið telji að mikil eftirspurn sé víða um heim eftir svona samvals- og pökkunarkerfi kerfi fyrir frosnar vörur – flök og bita.

„Með þessu kerfi sem FISK er að kaupa, lausnum frá Völku sem Murman seafood setti upp nýverið og nýrri tegund IQF flokkara sem við erum að afhenda Samherja á Dalvík þá getur Valka jafnframt núna  - boðið fyrirtækjum mjög fjölbreytt val þegar kemur að framleiðslu á frosnum vörum," sagði hann, og bætti því við að Valka reikni með að þessar nýjungar verði til sýnis á íslensku sjávarútvegssýningunni í ár.

„Við bindum vonir við að ástandið verði orðið þannig að Icefish verði haldin með óbreyttu sniði. Icefish hefur alltaf reynst okkur vel og verið mikilvægur vettvangur fyirr okkur og þáttur í vexti Völku undanfarin ár. Icefish verður þá sennilega eina sýningin sem Valka tekur þátt í á þessu ári og því ennþá mikilvægari fyrir vikið,“ segir Ágúst Sigurðsson.

Ef þú hefur áhuga á að sýna, styrkja, koma sem gestur eða flytja erindi á IceFish 2020, hringdu þá í +44 01329 825 335 eða sendu tölvupóst á info@icefish.is.

Sölumenn á íslandi: Birgir þór Jósafatsson S: +354 896 2277 birgir@icefish.is eða Bjarni þór Jónsson GSM: +354 896 6363 bjarni@icefish.is

Processing. Please wait.
Loading...