en keyboard_arrow_down
keyboard_arrow_left See all news

Recent News

18 Nov, 2021 /
Icefish
Looking into aquaculture’s crystal ball
It’s a big ask to request a prediction of the future, but in the Blue Economy discussi...
17 Nov, 2021 /
Icefish
Capelin boom
Capelin is booming in Iceland, but marketing and climate change remain challenges.
17 Nov, 2021 /
Icefish
No such thing as fish waste – everything has a use
Part of IceFish Connect, the Fish Waste for Profit Product Utilisation session brought t...
17 Nov, 2021 /
Grimsby Fish Market
Grimsby Fish Market Launches Buying App
Grimsby Fish Market is embracing digital technologies with the introduction of a new Buy...
16 Nov, 2021 /
Icefish
Tub manufacturer faces challenges and opportunities
Sæplast has been producing a range of tubs, boxes and other products in Dalvík and was...
24 Mar, 2021
keyboard_arrow_left See all news

Endurvinnsluhringnum lokað

þegar Sæplast tók að framleiða ker úr pólýetýlen-efnum fyrir nokkrum áratugum þá var möguleikinn á endurvinnslu í lok líftíma þeirra eitt af því sem skoðað var.

„þetta var einn af helstu kostum framleiðslunnar, ásamt því hve sterk og endingargóð kerin voru, auk annars,“ sagði Arnar Snorrason, markaðs- og þróunarstjóri Sæplasts.

„Á þessum tíma var strax farið að hafa umhverfisvitund að leiðarljósi við þróun keranna. þannig að nú er ánægjulegt að hafa náð þeim áfanga að sjá notaða pólýetýlen-ker koma að notum sem hráefni í framleiðslu á nýjum kerum.“

Hann sagði að gámarnir frá Sæplasti væru í orðsins fyllstu merkingu að ganga í endurnýjun lífdaga vegna þess að fyrstu kerin af þessari tegund eru notuð af dótturfyritæki Sæplasts, gámaleigufyrirtækinu iTUB.

„Með PE-gámunum erum við að stefna að markmiðum hringrásarhagkerfisins. Við erum að framleiða mjög sterka og endingargóða vöru sem hægt er að gera við og láta endast lengur,“ sagði hann.

þegar Sæplast hóf framleiðslu kerin árið 1984 framleiddi fyrirtækið eingöngu hverfisteypt ker með úretan-efni, svokölluð PUR-ker, með pólýetýlene-húð og úretan-fyllingu. PE-kerin eru einangruð með pólýetýlene, sem gerir þau sterkari, öruggari til notkunar við vinnslu og meðhöndlun matvæla – og endurnýtanleg.

Að sögn Sævalds Gunnarssonar sölustjóra hefur framleiðsla og sala PE-keranna aukist jafnt og þétt allt frá því Sæplast setti fyrstu kerin af þessu tagi á markað.

„Meðal viðskiptavina okkar eru notendur sem kaupa aðeins þessi ker og vilja ekki nota neitt annað. Aðrir eru hægt og rólega að skipta PUR-kerunum sínum út fyrir PE-ker,“ sagði hann.

Undirbúningur fyrir þetta skref hefur verið í gangi í nokkur ár. Sæplast hefur, ásamt samstarfsaðilum sínum erlendis, þróað aðferð til að tæta niður gömul ker sem síðan verða hráefni til frekari notkunar í verksmiðjunni á Dalvík.

„Fyrsta skrefið sem taka þarf til að geta endurunnið kerin er að nota þetta hráefni og blanda því saman við fylliefnin í kerin. Með því höfum við lokað endurvinnsluhringnum fyrir vörur okkar,“ segir Arnar Snorrason. Hann bætti því við að lokatakmarkið sé að geta notað endurunnið hráefni alfarið við að steypa PE-kerin.

„þetta krefst lengri þróunartíma, en við sjáum þennan möguleika fyrir okkur í framtíðinni. Reynsla okkar er sú að viðskiptavinir okkar, rétt eins og við, vilja sýna af sér samfélagsábyrgð og nota endurvinnslu og endurnýtingu út í æsar. Megináherslan verður á gæði, endingu og áreiðanleika umbúðanna. það er markmið okkar.“

Sæplast er gamalkunnugur þátttakandi á íslensku sjávarútvegssýningunni og verður með í sýningunni árið 2021.

„þessi sýning hefur alltaf reynst fyrirtæki okkar vel,“ segir hann.

„Nú þegar við erum að komast út úr einangrun eftir þetta erfiða ár þá hlökkum við til þess að geta hitt viðskiptavini okkar aftur á íslensku sjávarútvegssýningunni og sýnt þeim nýjustu nýjungarnar.“

Ef þú hefur áhuga á að sýna, styrkja, koma sem gestur eða flytja erindi á IceFish 2021, hringdu þá í +44 01329 825 335 eða sendu tölvupóst á info@icefish.is.

Sölumenn á íslandi: Birgir þór Jósafatsson S: +354 896 2277 birgir@icefish.is eða Bjarni þór Jónsson GSM: +354 896 6363 bjarni@icefish.is

Processing. Please wait.
Loading...